Codigo d’o Dreito Foral d’Aragón

O Decreto Lechislativo 1/2011, de 22 de marzo, d’o Gubierno d’Aragón, aprebó lo Codigo d’o Dreito Foral d’Aragón, testo refundito que recopila y ordena as leis zevils aragonesas. A suya dentrada en vigor fue o 23 d’abril de 2011, como estableixeba a Lei 8/2010, de 2 d’aviento. D’ista traza, lo Dreito zevil d’Aragón que s’hereba d’a Compilazión de 1967 quedó reformulato y modernizato, reforzando a identidad churidica propia d’Aragón en o marco d’o su Estatuto d’Autonomía.

A edizión que agora se presenta ye a versión en luenga aragonesa, la luenga historica d’os Fueros d’Aragón dende os sieglos XIII a XV. Con ella se quiere contrebuyir a recuperar instrumentos churidicos en aragonés y fer parte d’a zelebrazión d’os 40 años d’o Estatuto. Una iniciativa que reafirma o valor d’a cultura, a luenga y o dreito propio d’Aragón.